Umdät ik ’t
aover ’t algemeen ’t niet zo op grote
wereldgebeuren ebbe en mien actieradius bepärke töt de umgèveving wöör ik lève
en wärke, Zwolle dus, prebeer ik meestens ook naor de locale radiozenders te
luusteren op de momenten dät de zaag,- of skaafmechine niet dreijen. Dat was ook op vri’jdesmiddes 20 jannewaeri ’t geval en ston rtv-ZOo an met ’t
pregramma ZOo-Zwols. In
de uutzending wazze Bennie van Beesten an-t woord en die is de souffleur van een teneelgrupien
uut Wijthmen, wat een Zwollenaer weer uutsprèk as Wietum.
Bennie kwamp
vertellen dät de teneelgroep SAGEZO der weer in
is eslaagd een stuk te ebben instudeerd en die in twie weekenden en veer
veurstellingen ter uutvoering op de planken zollen brengen.
Dät ons–kent–ons gevuul is netuurlijk ook niet zo vremd in een
actieve buurskap, der wier druk epraot en was ’t ien groot
feest van erkenning.
Ik wille
ier niet ’t ele teneelstuk woordelijk gaon eralen, dan a-j der zels maer
en mutten gaon, maer wille mi’j bepärken töt enkele beelden die
tiedens de uutvoerink binnen emaakt.
teneelstuk eskröven deur Jan Tol. Regie: Thera Hülsmann
Naodät ’t
publiek uutleg is egöven aover ’t teneelstuk en dät ’t meugelijk is de pries
veur de toegangskaerties al meerdere
jören op 6 euro te ollen deur bi’jdragen van de locale ondernemmers die
as sponsers veur disse aovenden fungeren,
giet ’t doek open en kriegen wi’j as ‘t waere ’t
veurstellen van de personages van
vanaovend veurespöld
’t Verael
in disse is dät een jong stel de villa van aer tante Jo maggen bewonen umdät
die naor Engeland is vertrökken. De
villa ef en bettien ärg völle achterstallig onderold en dät
is met un inkommen niet op te brengen.
Umme die
tegenslagen te kunnen bekostigen wil ’t
stel, tegen de
uutdrukkelijke wil van de tante in, toch kamers gaon veruren.
En zo
kommen de verskillende personages as toekomstige uurders, ien veur ien of met
zien twieën in beeld. De
verskillende meugelijkeden in toepassen van onderlinge ofspraeken en geldelijke
vergoedingen kommen raozendsnel in verskillende varianten veurbi’j en ie mutten goed opletten wie der al dan niet
now bèter van giet wörren. De grap is echter dät de ele zaal moesstille
is en op ’t moment dät de spöllers allemaole èven achter de coulissen bint
verdwenen en de zaal naor een löög podium zit te kieken, inies een geroezemoes
deur de zaal giert. Men döt
gewoon in eigen
emoties met.
Alle
spöllers sprèken hun eigen taal, abn met eigen tongval,
allenig uurder Bertus sprèk met een Kärspels dialect, maer iederiene begrip
mekeare teminste wel.
Der bint 6
kamers in de veruur dus kommen der nogal wat personen an oe veurbi’j. Zo
ook de oog alemerdieks praotende Hannie de Jong
umdät die zich anders veur mut doen dan zi’j is en een
stellegien eel ampärt, dät twie
kamers wil maer naost mekander umdät zi’j niks met mekaere
ebben. (of zo iets)
Alle
respect veur Ireen . . . ik gèèf ’t oe
te doen as de zaal in gieren uutbaerst, ie
gewoon in oe rolle mut blieven
van de onnözelaer.
Maer met de komst
van de leste uurder begun der wat te mörrelen.
De rechercheur Koos Geestman blieken alle, töt dan toe verbörgen verlèdens, van de andere
uurders te kennen en
met ier en döör een versprèkink kommen de poppen an ’t dansen.
Bart van der Kolk
Nao de
kennismakink met Ans Bakker, de moe van Anneke, die wi’j al op ’t podium adden ezien
as Thera Hülsmann in de veurankondiging, ebben
wi’j zo’n bettien alle
personen wel e-ad.
’t Twiede bedrief spöllen zich in de wèken nao de komst van
de huurders of.
De perseunlijke
ge-eimen kommen lankzaem an ’t licht en de toe-eurders rollen van de iene
verbazink in de andere.
Töt zover zo goed . . . dan inies an-t
ende van ’t
twiede bedrief . . .
kump Tante Jo
ten
tonele.
De pauze wier goed benut umme drankies te gaon
alen, want aneuren en kieken is ärtstikke
mooi maer ik
krege der wel een dreuge strotte van.
’t Derde bedrief . . . ie konnen ’t op de vingers naogaon . . oe ollen wi’j tante Jo van de domme?
Dat dät
de neudige bedenksels kosten is wel dudelijk.
Eerstens alle uurders op iene liene
preberen te kriegen ’t spellegien mèè te
spöllen dät iederiene as ’t waere weer pärremetaosie is van een ander, maer dät mut dan wel weer serieus enummen
wörren, want ’t is gien teneelstukkien . .
of toch ook weer
wel? Wat ’t ook
is . . . der bint genog
woordspöllingen te heuren en ie maggen
oe gelukkig priezen a-j s’mörgens
de bi’jde-andties ebt egèten
Dit derde bedrief was wel echt ’t deel wöör ie as
kieker ’t best op de koppen van de spöllers konnen letten. Dan
a-j ’t al druk
genog want de gelaotsuutdruk-kingen zeien vaker meer dan woorden.
Al met al
durve ik rustig te stellen dät ’t teneelgrupie
SaGeZo gerust trots mag wèèn met wat
zi’j met disse
veurstellingen ebben weten te
bewärkstelligen.
De twaalf
leden binnen der dan toch maer weer in eslaagd umme onderden mensen in disse
veer veustellingen een ontspannen aovend te bezörgen.
Zoe zie ie maer weer dät de wille ’t te doen altied resultaat oplèverd.
’t Applaus
en de bloemen an-t ende van de opvoerink bint echt absoluut verdiend.
En ja eur
. . . döör stiet inies ook de veuzegger op ’t podium. Ie weten
misskien nog wè . . . die man die liever onder ’t podium zitten te
koekeloeren onder dät zwärte
kappie. IJ die der veur mut
zörgen dät der niet al te grote stiltes vallen veur ’t
geval de spöllers
èven de tekst kwiet zollen
kunnen wèèn.
Dit is now echt zo’n baantien wöör a-j pas wat met kunt as anderen
dät niet (meer) kunnen.
Toch . . as Bennie van Beesten niet naor de studio van
rtv-ZOo was ekommen umme döör de opvoering van
teneelgoep SaGeZo te promoten
. . ad ik
der misskien elemaole gien ärg in e-ad .
.
En dus ook niks te skrieven.
As SaGeZo
volgend jöör weer een teneelstuk in opvoering ef . . en ie binnen der van op de eugte
. . . mu-j gewoon is een keertein engaon .
. . lachen toch ?
februwaeri 2017
basistraining,bedoeld voor nieuwe vrijwilligers. Via de training worden de vrijwilligers voorbereid om gezinnen tijdelijk te ondersteunen als het even niet zo soepel loopt binnen het gezin. De ondersteuning is gericht op het vergroten van het zelfvertrouwen van ouders, zodat zij na verloop van tijd weer op eigen kracht verder kunnen.
